24 February 2011
ھەموو ئەو ھەواڵانەی لە ھەولێرەوە دێن باس لەوە دەکەن پارتی خەریکە ھەولێر لە شار و ناوچەکانی تری کوردوستان دادەبڕێت، پارتی دەیەوێت ھەولێر بخاتە ناو قوتەیەکی داخراوەوە و لە شوێنێکا ھەڵیگرێت تا ئەو کاتەی پێیوایە دۆخەکە بەو شێوەیە ھێمن بۆتەوە کە پارتی تیایدا ھیچ زیانێکی سیاسی و مەعنەوی پێنەکەوێت. بۆ پیادەکردنی ئەم سیاسەتەش پارتی ئەو ڕێگایانەی ھەولێر بە شارەکانی ترەوە گرێدەدات پڕ کردوە لە بازگە و ھێزی سەربازی و سەفەری خەڵکی لەدەرەوەی ھەولێرەوە بۆ ناو ھەولێر یاساغکردوە. ھاوکات لەناو شاری ھەولێردا خەریکی ئەوەیە ئەوانەی خەڵکی ھەولێر نین، بەتایبەتی خوێندکاران، لەشارەکە دەربکات. بەمەش پارتی بە عەمەلی ھەولێر لە شار و ناوچەکانی کوردوستان جیادەکاتەوە و وەک موڵکی تایبەتی خۆی ماڵەی دەکات.
ئەم عەقڵیەتە کە ھەوڵی دابڕانی شارێک لە شارەکانی دەوروبەری و لە دونیا دەدات، ڕێک عەقڵیەتی ئەو پادشا و میر و سوڵتانە کۆنانەمان بیردەخاتەوە کە دیواری گەورەیان بە دەوری شارەکانی خۆیاندا دروستدەکرد، بە نیازی پاراستنیان لە ھەڕەشەی دەرەکی. بەڵام ھەر مێژووی ئەو پادشا و میر و سوڵتانانە پێماندەڵێن شارێک بۆئەوەی بپارێزرێت، دروستکردنی دیوار و قەڵا و پەرژینی قایم نایپارێزێت، تەنینی بە ھێزی سەربازی چارەسەر نییە، بەڵکو باوەڕ و متمانە و دڵسۆزی دانیشتوانەکەی دەیاپرێزێت، ئامادەیی خەڵکەکەی بۆ بەرگریکردن و بۆ پاراستنی دەیپارێزێت. وەکچۆن بڕێکی زۆری پادشا و سوڵتان و میرەکانی سەدەی ناوەڕاست بەھەڵەدا چوودابوون، پارتیش بەم عەقڵیەت و سیاسەتەی ئەمڕۆیەوە بەھەڵەیەکی گەوەردا چووە. ھەولێر ئەمڕۆش بەو ڕۆحیەتە ئەمنی و سەربازی و حیزبییە تەسکە ”بپارێزرێت“، سبەینێ بەو شێوەیە ناپارێزرێت، درەنگ یان زوو ئەم شارە دەبێتە بەشێکی ئۆرگانی ئەو ژینگە سیاسی و کۆمەڵایەتی و نەفسییەی تێیدادەژین.
ئەم کارەی پارتی بەزۆر شت ناکۆکە، لەپێش ھەمووانیشەوە بە لۆژیکی سەردەمەکە کە سەردەمی سڕینەوەی سنوورەکان و بچووکبوونەوەی دونیایە، ھەرەوەھا ناکۆکە بە لۆژیکی سیاسەتێک لانی ھەرە کەمی بیرکردنەوە و حیکمەتی سیاسی تێدابێت. پارتی لەباتی ئەوەی لەڕێگای کەناڵەکانی پەویەندییەوە بە کۆمەڵگاوە دان بەوەدا بنێت کە ئەزموونی سیاسی ھەرێم کێشە و گرفتی ھێجگار قوڵی تێدایە، لەباتی ئەوەی لەوەبدوێت ھەڵە بە ھەڵە و خراپە بە خراپتر چاککراوەتەوە، لەباتی ئەوەی بە ئاشکرا دان بەوەدابنێت وڵات بەشێوەیەکی دیوەخان ئاسا بەڕێوەبراوە و بەڕێوەدەبەرێت، لەباتی ئەوەی پلانی ڕاستەقینەی چاکسازی سیاسی و ئیداری و ئابوری پێشنیاربکات، لەباتی ئەوەی ئیرادەی ڕاستەقینە بۆ چارەسەرکردنی گەندەڵی نیشانبدات، بە ئاشکرا بڵێت و بەعەمەلی کار بۆئەوەبکات کە چیدی ناھێڵن حیزب دەستبخاتە ناو ژیانی ئیداری و فەرھەنگی و کۆمەڵایەتی و دینییەوە، لەباتی ئەوەی بە ئۆرگانی خوێندکاران و مامۆستایان و ئەواینتر بڵێت دەستنەخنە ناو ژیانی زانکۆ و ناوەندەکانی تری خوێنندنەوە و ھەموو ئەو ئیمتیازاتە حیزبییانە بسڕێتەوە کە بە کەسانی سەر بە پارتی لەناو ئۆرگان و دەزگاکانی دەوڵەت و کۆمەڵگادا دراون، واز لە سیاسەتی بە پارتیکردنێکی بەزۆری کۆمەڵگا بھێنن، لەباتی ئەوەی شەقامەکانی پایتەخت واڵابکات بۆئەوانەی ناڕەزایاتییان ھەیە و دەیانەوێت تەعبیر لە ناڕەزاییەتییەکانیان بکەن، دەڵێم لەباتی ھەموو ئەم شتانە و دەیان شتی تری لەوبابەتە، کەچی پەنا بۆ خراپترین و ناھەموارترین ئامراز دەبات: ەبکارھێنانی ھێز و چەک و ترساندن و ھەڕەشە.
ئەزموونی ناڕەزایەتی لە شارەکانی تری کوردوستان و لە ناوچەکە و لە مێژووشدا نیشانیداوین، ھیچ ناڕازایتییەکی کۆمەڵایەتی، بەتایبەتی گەر ناڕەزاییەتیەکی قوڵ و فرەلایەن بێت وەک ئەوەی لە کوردوستاندا ھەیە، بە ترساندن و فشار و ھەڕەشەکردن چارەسەرناکرێت، بە ناردنی ھێزی سەربازی بۆ سەر شەقام و گۆڕەپانەکان ناوەستێت، بەوە نابێت لەھەر شوێنێکدا چەند کەسێک کۆبوونەوە دەستبەجێ مەفرەزەیەکی ئاسایش بچێتە سەریان و بڵاوەیان پێبکات. بەر لە پارتی بەعس و ھاوشێوەکانی ھەموو ئەم ئامراز و تەکتیکەیان بەکارھێنا، بەڵام ئەنجامەکانی لەھیچ شوێنێکی دونیادا سەرکەوتوونەبوو. ئەمانە خراپترین و نابەرپرسیارترین ئارمراز و شێوازی وەڵامدانەوەی ناڕەزایی کۆمەڵایەتین. ئەمانە توڕەیی و ناڕەزاییەکان گەورەتر و قوڵتر دەکات و ھێمنیان ناکاتەوە، پشێوی و نائارامی ڕق زیاددەکات و لانیکەمی متمانەی کۆمەڵایەتی ناگەڕێنێتەوە. وەڵامی ڕاستەقینە بە ناڕەزایی کۆمەڵایەتییە بریتییە لە بنەبڕکردنی ڕەگوڕیشەکانی دروستبوونی ئەو ناڕەزاییانە، نەک نکوڵیلێکردن و تاوانبارکردنیان بە گێرەشوێنێ. پارتی ئەمڕۆ لەبەردەمی ھەڵبژاردنێکی گەورە و چارەنووسسازدایە: یان ئەوەتا خوێنی زیاتر و زیاتر دەڕێژێت و بەمەش وێنە و ئاکاری خۆی زۆر ناشیرینتر دەکات لەوەی لە ئێستادا ھەیە و خەڵکی کوردوستان دەکاتە دوژمنێکی سەرسەختی خۆی، یان ئەوەتە گوێدەگرێت و ئامادەیی ڕاستەقینەی خۆی نیشانئەدات بۆ چاکسازی ڕیشەیی. بەمەش کوردوستان دەشێت سەرەتایەکی نوێ دەسپێبکات.
وازھێنان لە عەقڵیەتی سەربازی و لە وەڵامدانەوەی ئەمنی بە کێشەکانی ئەمڕۆکەی کوردوستان، سەرەتای ھەموو سەرەتاکانە. ھەولێر بەوە ناپارێزرێت لە دونیای دەوروبەری داببڕرێت.
ئەم کارەی پارتی بەزۆر شت ناکۆکە، لەپێش ھەمووانیشەوە بە لۆژیکی سەردەمەکە کە سەردەمی سڕینەوەی سنوورەکان و بچووکبوونەوەی دونیایە، ھەرەوەھا ناکۆکە بە لۆژیکی سیاسەتێک لانی ھەرە کەمی بیرکردنەوە و حیکمەتی سیاسی تێدابێت. پارتی لەباتی ئەوەی لەڕێگای کەناڵەکانی پەویەندییەوە بە کۆمەڵگاوە دان بەوەدا بنێت کە ئەزموونی سیاسی ھەرێم کێشە و گرفتی ھێجگار قوڵی تێدایە، لەباتی ئەوەی لەوەبدوێت ھەڵە بە ھەڵە و خراپە بە خراپتر چاککراوەتەوە، لەباتی ئەوەی بە ئاشکرا دان بەوەدابنێت وڵات بەشێوەیەکی دیوەخان ئاسا بەڕێوەبراوە و بەڕێوەدەبەرێت، لەباتی ئەوەی پلانی ڕاستەقینەی چاکسازی سیاسی و ئیداری و ئابوری پێشنیاربکات، لەباتی ئەوەی ئیرادەی ڕاستەقینە بۆ چارەسەرکردنی گەندەڵی نیشانبدات، بە ئاشکرا بڵێت و بەعەمەلی کار بۆئەوەبکات کە چیدی ناھێڵن حیزب دەستبخاتە ناو ژیانی ئیداری و فەرھەنگی و کۆمەڵایەتی و دینییەوە، لەباتی ئەوەی بە ئۆرگانی خوێندکاران و مامۆستایان و ئەواینتر بڵێت دەستنەخنە ناو ژیانی زانکۆ و ناوەندەکانی تری خوێنندنەوە و ھەموو ئەو ئیمتیازاتە حیزبییانە بسڕێتەوە کە بە کەسانی سەر بە پارتی لەناو ئۆرگان و دەزگاکانی دەوڵەت و کۆمەڵگادا دراون، واز لە سیاسەتی بە پارتیکردنێکی بەزۆری کۆمەڵگا بھێنن، لەباتی ئەوەی شەقامەکانی پایتەخت واڵابکات بۆئەوانەی ناڕەزایاتییان ھەیە و دەیانەوێت تەعبیر لە ناڕەزاییەتییەکانیان بکەن، دەڵێم لەباتی ھەموو ئەم شتانە و دەیان شتی تری لەوبابەتە، کەچی پەنا بۆ خراپترین و ناھەموارترین ئامراز دەبات: ەبکارھێنانی ھێز و چەک و ترساندن و ھەڕەشە.
ئەزموونی ناڕەزایەتی لە شارەکانی تری کوردوستان و لە ناوچەکە و لە مێژووشدا نیشانیداوین، ھیچ ناڕازایتییەکی کۆمەڵایەتی، بەتایبەتی گەر ناڕەزاییەتیەکی قوڵ و فرەلایەن بێت وەک ئەوەی لە کوردوستاندا ھەیە، بە ترساندن و فشار و ھەڕەشەکردن چارەسەرناکرێت، بە ناردنی ھێزی سەربازی بۆ سەر شەقام و گۆڕەپانەکان ناوەستێت، بەوە نابێت لەھەر شوێنێکدا چەند کەسێک کۆبوونەوە دەستبەجێ مەفرەزەیەکی ئاسایش بچێتە سەریان و بڵاوەیان پێبکات. بەر لە پارتی بەعس و ھاوشێوەکانی ھەموو ئەم ئامراز و تەکتیکەیان بەکارھێنا، بەڵام ئەنجامەکانی لەھیچ شوێنێکی دونیادا سەرکەوتوونەبوو. ئەمانە خراپترین و نابەرپرسیارترین ئارمراز و شێوازی وەڵامدانەوەی ناڕەزایی کۆمەڵایەتین. ئەمانە توڕەیی و ناڕەزاییەکان گەورەتر و قوڵتر دەکات و ھێمنیان ناکاتەوە، پشێوی و نائارامی ڕق زیاددەکات و لانیکەمی متمانەی کۆمەڵایەتی ناگەڕێنێتەوە. وەڵامی ڕاستەقینە بە ناڕەزایی کۆمەڵایەتییە بریتییە لە بنەبڕکردنی ڕەگوڕیشەکانی دروستبوونی ئەو ناڕەزاییانە، نەک نکوڵیلێکردن و تاوانبارکردنیان بە گێرەشوێنێ. پارتی ئەمڕۆ لەبەردەمی ھەڵبژاردنێکی گەورە و چارەنووسسازدایە: یان ئەوەتا خوێنی زیاتر و زیاتر دەڕێژێت و بەمەش وێنە و ئاکاری خۆی زۆر ناشیرینتر دەکات لەوەی لە ئێستادا ھەیە و خەڵکی کوردوستان دەکاتە دوژمنێکی سەرسەختی خۆی، یان ئەوەتە گوێدەگرێت و ئامادەیی ڕاستەقینەی خۆی نیشانئەدات بۆ چاکسازی ڕیشەیی. بەمەش کوردوستان دەشێت سەرەتایەکی نوێ دەسپێبکات.
وازھێنان لە عەقڵیەتی سەربازی و لە وەڵامدانەوەی ئەمنی بە کێشەکانی ئەمڕۆکەی کوردوستان، سەرەتای ھەموو سەرەتاکانە. ھەولێر بەوە ناپارێزرێت لە دونیای دەوروبەری داببڕرێت.
No comments:
Post a Comment